Venderdi ils tredesch

Almain ina giada ad onn datti in venderdi ils 13. I dat persunas che pensan che questa data portia discletg, gist uschia sco in giat nair che cruscha la via. L'economia dals Stadis Unids perda da quai da 900 milliuns dollars in venderdi ils 13.

Legenda da maletgs: Keystone

La cifra 13 vegniva era numnada il tozzel dal diavel, Jesus è vegnì crucifitgà in venderdi, ed ì dat cudeschs e films che tractan venderdis ils 13. Tut quai pudess esser la raschun, daco che blera glieud è pli precauta quest di.

En la tradiziun gidieua, en il Giapun ed en l'Italia è la cifra 13 perencunter ina cifra da cletg. Persuenter è il venderdi ils 17 in di da discletg en l'Italia. Ed en Spagna ed en la Grezia è quai il mardi ils 13.

Autur/a: Angela Hendry