Viktor Orbán

Viktor Orbán è puspè schef da la regenza ungaraisa. Sia partida Fidesz ha survegnì bunamain la mesadad da las vuschs. Cun in resultat uschè cler n'avevan ils experts betg fatg quint.

Legenda da maletgs: Reuters

Orbán è schon per la quarta giada vegnì schef da la regenza. Dal 1998 è el vegnì l'emprima giada sin quel post. Dapi 2010 è el puspè schef.

Orbán è dentant ferm en la critica. Durant l'unda da fugitivs na vuleva el betg laschar en fugitivs en l'Ungaria. El ha perfin dà il cumond da rinforzar il cunfin: Dapli mirs, dapli saivs, dapli guardias.

Tar questas elecziuns han bunamain 70 pertschient dals Ungarais votà. Quai saja in nov record. La glieud steva en lingia davant ils biros electorals. Il resultat n'è anc betg definitiv. Cunquai ch'uschè blers han votà, n'haja il temp betg bastì da dumbrar a fin.

Autur/a: Flurin Clalüna