«Wahl-o-mat» – In agid digital per las elecziuns europeicas

Tar las elecziuns dal parlament europeic da quest matg, ston 705 mandats vegnir repartìds e quai sin tut las differentas partidas. Sco votant èsi fitg grev da chattar las persunas e partidas che partan l'atgna opiniun. Il «Wahl-o-mat» – in programm en l'internet duai gidar.

Chattar candidats che partan l'atgna opiniun cun il «Wahl-o-mat».
Legenda da maletgs: Chattar candidats che partan l'atgna opiniun cun il «Wahl-o-mat». Keystone

Il «Wahl-o-mat» è in programm ch'è vegnì specialmain concepì per giuvens creschids, glieud indecisa ed era per glieud che na sa fatschenta betg savens cun politica. Ensasez èsi in questiunari en furma da mulitple choice. Sin 38 dumondas sur da la politica europeica pon ins respunder cun «Jau sun d'accord», «Jeu sun indecis» u «Jeu na sun betg d'accord».

In algoritmus gida vinavant

Sin basa da las respostas chatta in algoritmus alura partidas e candidats u candidatas che pudessan correspunder cun l'atgna opiniun. Il program ha tuttavia success. Tar las davosas elecziuns europeicas han 3,9 milliuns persunas fatg diever da la purschida.

Autur/a: Lukas Quinter