Werner Coninx

Werner Coninx è stà artist ed ha rimnà sia entira vita objects d'art. Sia fundaziun posseda ina da las pli grondas collecziuns privatas en Svizra. Uss ha la fundaziun emprestà al Museum d'art dal Grischun bunamain 1'000 ovras.

Ina ovra ord la colleziun da Werner Coninx che la fundaziun ha surdà al museum d'art.
Legenda da maletgs: Ina ovra ord la colleziun da Werner Coninx che la fundaziun ha surdà al museum d'art. MAD

Werner Coninx ha deditgà sia entira vita a l'art. Il figl dal fundatur dal Tages-Anzeiger Otto Coninx è bain stà en il cussegl d'administraziun dal Tages-Anzeiger. El n'ha dentant betg vulì giugar ina rolla pli gronda en la fatschenta da famiglia. El ha cumenzà da malegiar e lavurar sco sculptur.

Coninx era fascinà da l'art ed ha durant sia entira vita ingiantà e rimnà ovras da tut il mund. Ils onns setanta ha el lura fundà la fundaziun Werner Coninx che posseda las bun 15'000 ovras. L'onn 1980 è Werner Coninx morts.

Uss ha la fundaziun emprestà parts da sia collecziun a divers museums. Tranter quels è er il Museum dart a Cuira.

Autur/a: Selina Chistell