«Zonta» e l'acziun da tastgas

Questa sonda ils 7 d'avrigl venda il club da service da dunnas Zonta a Cuira tastgas secondhand per sustegnair la chasa da dunnas dal Grischun.

Vender tastgas e dar il retgav a dunnas cun tastgas vidas, quai è il motto da l’acziun da Zonta
Legenda da maletgs: Vender tastgas e dar il retgav a dunnas cun tastgas vidas, quai è il motto da l’acziun da Zonta. COLOURBOX

Il club da service Zonta è in'organisaziun da bainesser internaziunala cun var 30'000 commembras sin l'entir mund. Zonta datti dapi il 1919. Il club da service vul meglierar la situaziun da las dunnas, s'engascha en la furmaziun, en regiuns da conflict e cumbatta la violenza envers dunnas. Zonta è politicamain ed ideologicamain neutral. En Svizra datti var 20 clubs, en il Grischun dus – il club Zonta a Cuira ed en l'Engiadina. Part da Zonta fan dunnas en professiuns cun responsabladad ed influenza.

Autur/a: Marionna Lombriser