Il forum cun Chatrina Gaudenz

Olmas arsas - il temp medieval è ina buna preda

Cover dal cudesch «Die Seelen im Feuer» da Sabine Weigand.
Legenda da maletgs: Cover dal cudesch «Die Seelen im Feuer» da Sabine Weigand. mad

Cudeschs e films sur da strias, striegn e dunnas sabias or dal temp medieval han in success enorm. Il roman istoric «Die Seelen im Feuer» da Sabine Weigand è vegnì vendì enturn 3,5 milliuns giadas. Il ZDF ha fatg in film londerora ch'è vegnì guardà fitg bain. E l'autura è in star en Germania. Pertge fascineschan istorgias sumegliantas, pli u main stratgas natiers per ils chavels, oz tant? Pertge è il temp medieval per blers qua tar nus en il 21avel tschientaner uschè attractiv? En Il forum « Olmas arsas - il temp medieval è ina buna preda» tschertgain nus respostas.
Redacziun: Chatrina Gaudenz

Autur/a: RTR/td