Massas da glieud giaudan la stad en la natira da l'Aara cun ir a nudar, far in picnic, brassar u star patgific fin tard en la notg. Ma tschertins laschan simplamain lur rument enavos en la natira: conservas da biera, stumbels da cigarettas, satgs da plastic, giatters da grill u interas bartgas ga gumma. Quist littering va sin la gnerva a blera glieud.
En il chantun Argovia datti perquai ina iniziativa da giuvenils, la «Aktion suberi Aare». Ils giuvenils van dumengia per dumengia dad avrigl fin settember a metter davent quai che auters han laschà enavos. Els rimnan mintgamai muntognas da rument.