«Ciao Table» u la renaschientscha da la maisa radunda

La bar duess esser in lieu da sa scuntrar e da discutar. Al medem mument vala la bar, deplorablamain, adina puspè er sco sinonim da suldina ed isolaziun.

Dus bars tessinaisas.
Legenda da maletgs: quai vul «Ciao Table» (maletg simbolic). Keystone

Magari è quel aspect da la bar schizunt vegnì pli actual: Ins vesa adina dapli persunas, che sa trategnan cun lur smartphone empè da far quai cun lur vis-à-vis. Dal Tessin vegn uss in impuls per midar quai.

L'idea «Ciao Table» duai dar nov schlantsch a la vart sociala da la bar. Il project sa referescha a la tradiziun nordica ed er a quella enconuschenta tar nus, sin la maisa radunda – il uschenumnà «Stammtisch».

Autur/a: Mirella Zen