Festival da trens a vapur a Blonay-Chamby

Il festival dals trens a vapur da Blonay-Chamby è insatge che fascinescha gronds e pitschens. Mintg'onn dal matg enfin l'october èsi pussibel da visitar il museum dals vegls trens ch'èn charrads en l'entira Svizra.

In model dal 1913.
Legenda da maletgs: In model dal 1913. Keystone

Tuttas maschinas vesan ora sco nov ed i vegn fatg attenziun per che mintga maschina saja la pli bella. Locomotivists u maschinists pensiunads èn là e lavuran gratuitamain e cun passiun vid quests trens.
En ils egls da mintga passiunà glischan stailas sco en egls d'uffants cur che lezs survegnan ina viafier da model. La sonda e la dumengia pon ins ir cun quests trens. Cun ina carta dal di pon ins ir si e giu tantas giadas fin ch'ins ha la finala avunda!
Quest onn festivescha il Bonay-Chamby ses 50avel anniversari. Era la Viafier retica è giast en la Svizra franzosa, trais giadas durant il settember hai num «Mega Bernina festival».