Il salun da las invenziuns a Genevra

Dals 29 da mars enfin ils 2 d'avrigl pon ins visitar a Genevra il salun d'invenziuns. Quest salun exista dapi il 1972. Mintg'onn vegnan numerus giasts ed exponents a Genevra per mussar tge ch'els han inventà.

Flyer da l'exposiziun da las invenziuns a Genevra
Legenda da maletgs: Flyer da l'exposiziun da las invenziuns a Genevra MAD

Ins chatta là objects dal mintgadi, gadgets ed er invenziuns tecnicas. Il pli impurtant è dad inventar in object che mintgin pudess duvrar. Bleras da las radund 1'000 invenziuns vegnan premiadas ed ils exponents han lura da far atgna reclama per il salun e per chattar in cumprader. Er las interpresas èn interessadas da chattar novs products ch'ellas pudessan vender. Ils visitaders ed ils exponents vegnan da l'entir mund, or da circa 50 pajais. 20% èn exponents privats.

Redacziun: Donata Vallino

Autur/a: RTR, Sandra Carisch