Ils auters cun nossa correspundenta Donata Vallino

La pitschna citad da Carouge è ina da las numerusas citads u vischnancas dal chantun da Genevra.

Center da la citad da Carouge.
Legenda da maletgs: Center da la citad da Carouge. KEYSTONE

Carouge ha in scharm terribel, mussond al visitader sco ils mastergnants lavuravan pli baud e tuttina è Carouge ina citad moderna. Ina citad che viva tras ses martgà, sias pitschnas butias e nua che la glieud para dad esser cuntenta, ma er ina citad in zichel misteriusa che mussa forsa tschertas chaussas be al visitader che han avunda temp e pazienzia.

Noss lecturs sa regordan forsa dal club da ballape che ha num «Etoile Carouge», ina bell'istorgia per ina squadra ch'è numnadamain stada en la liga naziunala A per in pèr onns. Carouge è ina citad averta ed accoglienta. Dapi adina èn vegnids prendids si esters a Carouge, che vivan ussa en ina buna armonia.

Autur/a: RTR/cl