Ina paraula da stad bernaisa – la stiva sut tschiel avert

En la citad da Berna èn il mument tuts sin via – betg mo pervi da las temperaturas uschè autas, ma er perquai ch'il spazi public è sa transfurmà questa stad en in lieu d'inscunter.

Ina saira da stad a Berna.
Legenda da maletgs: Ina saira da stad a Berna. Keystone

Sin plazzas da parcar stattan lounges da lain. En tscherts lieus datti er maisas da giugar billard; en auters lieus pon ins dar boccia u ballape da maisa. I dat adina dapli ierts da quartier ed entiras vias che vegnan bloccadas per ils autos la saira, per che la glieud po star patgific sin via! Ina sensaziun! La citad viva, la glieud sinscuntra sut tschiel avert e la pli gronda part è intgantada. Davos questa iniziativa stat la cussegliera communala Ursula Wyss.

Redacziun: Romana Costa