L'Escalade – in di impurtant per Genevra

L'Escalade è in eveniment fitg impurtant: I vegn regurdà a la notg dals 12 da december 1602, cur che Genevra ha fatg fugir la schuldada da la Savoia cun l'agid dad ina dunna, la Mère Royaume. Ella aveva bittà ina gronda chaldera cun schuppa da verdura sur il mir da la citad giu.

Dunna cun chaldera pitschna.
Legenda da maletgs: la dunna che ha salvà la citad cun sia chaldera. Keystone

En memoria da quest eveniment istoric vegn fatg festa en citad. In cortegi cun glieud en vestgadira da l'epoca, cun chavals, chars e charrotschas, cun elebardas e spadas, cun tschivlots e tamburs va tras citad.

I dat inscunters en reconuschientscha a la victoria e visitas da lieus secrets da la citad veglia. Las scolas organiseschan sezzas in cortegi per questa occasiun ed i dat perfin ina cursa da l'Escalade cun circa 50'000 participants, da sportists prominents ma er dad amaturs u da famiglias che curran per lur plaschair cun sa travestir da maniera pli originala pussaivla.

Autur/a: Donata Vallino