Cun questas dumondas è la pressa svizra s'occupada dapi che Christian Constantin ha dà las schleppas ed ina pajada a Rolf Fringer a Lugano. Igl n'è betg l'emprima giada ch'el ha survegnì ina pajada per tals gests. Tenor la lescha èsi era gist da betg far differenzas tranter in prominent u in simpel convischin.
Las criticas èn numerusas visavi il coach dal club da ballape da Sion. Tschertas gasettas scriven ch'i tanscha ussa cun quest um e ch'el duess ponderar per l'avegnir da betg esser uschè impulsiv. Auters din ch'il chasti saja memia grond e ch'il club vegnia a patir da questa decisiun. El è era sa retratg dal comité per ils gieus olimpics dal Vallais che ha infurmà quest'eman da betg vulair acceptar il mez milliun francs che Constatin vuleva dar per l'organisaziun. En mintga cas è quai in tema che dat da discurrer en la pressa svizra.
