Les aigles du Léman

Betg lunsch davent da Genevra pon pitschens e gronds vesair cun agens egls evlas, tschuettas, tschess barbets e falcuns. Ina show ha lieu mintga di, ina giada cun utschels da l'aua ed in'autra giada cun utschels da rapina e tschuettas.

Tschess, falcuns ed er utschels da l'aua vegnan trenads.
Legenda da maletgs: Tschess, falcuns ed er utschels da l'aua vegnan trenads. Keystone

Dompturs u trenaders mussan tge che quests utschels san far. Quels vegnan numnadamain sin ils chaus u las spatlas dal publicum ch'è inchantà.

Mintg'onn datti novas chaussas. In'attracziun èn ils utschels da l'aua, las andas u ils cormorans che mussan co els san pestgar cun ina gronda sveltezza. Ina giada eri in urs, in'autra giada in spectacul cun columbas. Ma er ils cunigls han quest onn in'atgna show.

Sch'insatgi ha interess da trenar ils falcuns pon ins far intgins dis scolaziun tar Les aigles du Léman. En mintga cas è quai ina bun'idea per ina excursiun cun l'entira famiglia.

Autur/a: Donata Vallino