Adrian Stern : «Elektrisch»

Chantautur da Baden
Legenda da maletgs: MAD

Ina pulita surpraisa, ils tuns electronics dal musicist da Baden, Adrian Stern. Cur che jau hai udì l'emprima giada in da ses tocs novs sun jau stà stut. El era enconuschent per sia musica cun chant e ghitarra, accustic, savens melancolic. Ed ussa quai: Sin ses 6avel disc «Chum mir singed die Songs wo mir liebed und tanzed mit ihne dur d'Nacht» aud'ins anc adina il chantautur, pero i dat bler da nov, surtut ils tuns electronics.

Il meglier descriva quai la chanzun «Elektrisch»: La rescuverta dals tuns che l'avevan gia fascinà pli baud, ch'èn però sa platgads per in pèr ons en in truclet zuppà. Tut en ina èn els puspè rivads a la surfatscha. Da raschun vuleva el far ina chanzun seriusa cun cuntegn fitg different, pero la chanzun è sa sviluppada en in'autra direcziun. Ed er tut tschellas chanzuns dal disc nov da Adrian Stern vivan dals elements da la musica electronica, ed han er survegnì in bel ritmus.

Adrian Stern: Elektrisch

Autur/a: RTR/jp