Álvaro Soler: «El mismo sol»

Álvaro Soler chanta cun Jennifer Lopez ses hit El mismo sol
Legenda da maletgs: Álvaro Soler chanta cun Jennifer Lopez ses hit El mismo sol Reuters

Álvaro Soler ha gì grond success cun sia emprima single «El mismo sol» ed è vegnì direct sin ils emprims plaz da las paradas da hits. Il giuven spagnol ch'è creschì si per part en Spagna e per part el Giapun ha scrit la chanzun en Germania. El è stà inspirà da tut las culturas ch'el ha emprendì d'enconuscher durant sia vita. Quai ha lura era inspirà Jennifer Lopez cura ch'ella ha udì la chanzun ed ha proponì da chantar ensemen cun el ina nova versiun. Il giuven, ch'era enfin lura anc pauc enconuschents, ha strusch savì refusar quella offerta.

Autur/a: Dominic Pohle