Amy Winehouse: «Back to black»

Amy Winehouse durant in concert
Legenda da maletgs: Amy Winehouse durant in concert Reuters

Cun 25 onns ha la giuvna chantadura englaisa Amy Winehouse publitgà ses secund album «Back to black» ch'ha avert las portas tar il martgà internaziunal. Dentant è quai deplorablamain gia stà il zenit da sia carriera. Silsuenter ha la chantadura fatg ina pausa pli lunga enfin l'onn 2009. Quai onn aveva Amy Winehouse annunzià ses comeback. Mo suenter in concert desastrus a Belgrad ha ella annullà l'entira turnea tras l'Europa ed è puspè sa retratga. L'onn 2011 è Amy Winehouse morta cun mo 27 onns d'ina tissientada d'alcohol.

Autur/a: Dominic Pohle