Billy Idol: «Sweet Sixteen»

in dals gronds stars dals onns 80
Legenda da maletgs: Keystone

Billy Idol ha cumenzà cun sia carriera tar la gruppa da punk «Generation X». Pli tard, sco solist, ha el lura gì il grond success ed è daventà in dals artists fitg preschents sin MTV, ch'era quels onns fitg popular. Ina da las pli bellas chanzuns da Billy Idol è da chattar sin ses disc da success «Whiplash Smile» dal 1986.

La ballada d'amur «Sweet Sixteen» sa basa sin in'istorgia ch'è propi capitada. Edward Leedskalnin da la Lettonia aveva grond mal da cor: sia spusa aveva bandunà el curt avant la nozza ed el è lura emigrà il 1912 en ils Stadis Unids ed en Florida ha el lura construì in chastè da curals, cun ses agens mauns e be sulet. Questa istorgia trista ha inspirà Billy Idol e cun «Sweet Sixteen» ha el fatg ina chanzun ch'exprima bain ils senitments dal bandunà.

Autur/a: Jachen Prevost