Boney M.: «Gotta Go Home»

la gruppa da disco dal producent Frank Farian
Legenda da maletgs: Keystone

Il producent tudestg Frank Farian ha adina gì in bun nas. Cun la gruppa da disco Boney M. ha el in hit suenter l'auter ed els vendan sur 70 milliuns discs. In dals tocs ils pli interessants è «Gotta Go Home» che cuntegna elements d'ina chanzun da la band Nighttrain. Da quest toc fitg agen dal 1973 cun il titel «Hallo Bimmelbahn» prendan els ina part da la melodia e zambregian in'atgna chanzun.

Il 1971 cumpara quella sin il disc «Oceans of Fantasy». Il disc sa venda bain, però lur chanzun na daventa betg in grond hit. La melodia va però spert en l'ureglia, ed il 2010 fan ils DJs Duck Sauce ina reprisa cun il titel «Barbra Streisand», in nr. 1 en Austria ed en Svizra.

Autur/a: Jachen Prevost