Bucks Fizz: «Making your mind up»

Ils Bucks Fizz sin il palc dal ESC.
Legenda da maletgs: Ils Bucks Fizz il 1981 al Eurovision Songcontest. KEYSTONE

A posta per gudagnar il Eurovision Song Contest èn ils Bucks Fizz vegnì mess ensemen. E quai tenor tut las reglas che parevan da lez temp da garantir il success. Mo tar ina chaussa n'eran els betg perina – tge rassa trair en. Ina da las duas chantaduras vuleva ina rassa lunga e l'autra in mini. La finala han ellas lura chattà in bun cumpromiss: purtar omaduas rassas, ina suren e l'autra suten.

Autur/a: Flavio Tuor