Daniel Lanois: «Jolie Louise»

Musicist e producent franco-canadais
Legenda da maletgs: Keystone

Daniel Lanois, annada 1951, è in musicist canadais, oriund dal Québec francofon. El è ina persuna mudesta che paucs enconuschan, ha però gronds merits sco producent da musica. Il 1984 ha el producì ensemen cun Brian Eno l'album «The Unforgettable Fire» da la band irlandaisa U2. Pli tard ha el lavurà sco producent per ulteriurs discs da U2 ed er per Peter Gabriel, Bob Dylan, Neil Young ed ils Neville Brothers. Lanois è pero er musicist.

Sin ses emprim disc «Acadie» dal 1989 chanta Daniel Lanois la bella chanzun da «Jolie Louise», la dunna ch'el ama tant. El lavura en in muglin per mantegnair sia famiglia, però in bel di vegn el relaschà. E la tragedia cumenza. La butteglia daventa ses confiert, el baiva fin ch'el è sturn e dat schlops a sia dunna. Louise piglia ils uffants e va davent ed el resta enavos sulet, be cun sias larmas e las regurdanzas.

Autur/a: Jachen Prevost