Django Reinhardt: «Minor Swing»

il ghitarrist dal Gipsy Swing
Legenda da maletgs: Keystone

Djano Reinhardt è naschì il 1910 en Belgia e mort il 1953 a Paris. El era in «Manouche», in musicist d'ina famiglia da viagiants. Cun 12 onns era el gia musicist professiunal e surtut sia maniera da sunar la ghitarra fascinava. Il 1937 ha el registrà a Paris il «Minor Swing», in da ses numerus tocs ch'èn daventads semperverds e standards dal jazz. Reinhardt aveva creà in stil nov, il «Gipsy Swing», cun elements da la musica da jazz americana, da la musica da musette franzosa e cun tuns dals viagiants. L'emprima registraziun ha el fatg cun il quintet d'instruments da corda legendar «Hot Club de France», cun Stéphane Grappelli a la violina, Joseph Reinhardt e Eugène Vées a la ghitarra e cun Louis Vola al contrabass. E quest toc è alura daventà in da ses gronds semperverds che blers auters da ses successurs han surpiglià.

Autur/a: Jachen Prevost