Elton John: «Candle in the wind»

Elton John durant sunar vid il clavazin
Legenda da maletgs: Elton John Keystone

Elton John vegn 70. Ina legenda da musica ed ina persunalitad che dat en egl. Ses pli grond hit è «Candle in the wind». Scrit per duas famusas divas: Marilyn Monroe e princessa Diana da Wales. L'emprima giada è la chanzun stada scritta sco critica vers il conturn social da Marilyn Monroe che nizzegiava ora ella. La segunda giada – 20 onns pli tard – ha el deditgà questa chanzun a Lady Dy – cura ch'ella è morta tras in accident d'auto. Per sia buna amia ha el scrit enturn il text e chantà la chanzun a la sepultura. Quai è era stà la suletta giada che Sir Elton John ha interpretà la chanzun avant public. Ed era sche la chanzun è mai vegnida sin in da ses albums è questa chanzun – ch'è sa vendida 40 milliuns giadas – la single cun il pli grond success insumma.

Durant la sepultura da princessa Diana, cun comentari

Autur/a: Dominic Pohle