Foster the People: «Pumped up Kicks»

Mark Foster da la gruppa Foster the People durant in concert
Legenda da maletgs: Mark Foster da la gruppa Foster the People durant in concert Keystone

Savens dechantan bands l'amur, ina giuvna u il far festa. En la chanzun «Pumped Up Kicks» da la gruppa americana Foster the People è quai in zic auter. Els dechantan ina sort chalzers da la marca Reebok. Uschè simpel n'è quai dentant betg. Ils «Pumped Up Kicks» èn in simbol per teenies cun blers daners. Cun la chanzun vul il chantadur da la gruppa Mark Foster far attents sin quels uffants e teenies che na pon betg sa prestar uschè insatge char, èn perquai stgatschads da la gruppa e vesan perquai magari be pli soluziuns desperadas.

Autur/a: Dominic Pohle