Hugh Laurie: «You Don't Know My Mind»

alias Dr. House
Legenda da maletgs: Reuters

El fa propi buna figura, Hugh Laurie, il chantadur da «You Don't Know My Mind» – la chanzun cumparida il 2011 sin il disc «Let Them Talk» cun 15 classichers da soul, blues e jazz. I resorta sia gronda passiun per la musica e ses engaschament vardaivel, ed er sin il palc cumpara el sco in musicist cun corp ed orma.

La chanzun è cumparida l'emprima giada il 1923 en ina versiun da la chantadura Virginia Liston ed è uss in classicher da la chanzun americana. L'interpret è in Brit, l'actur Hugh Laurie enconuschent pervi da sia rolla sco Dr. Gregory House en ina seria da televisiun americana.

El è pero er in musicist passiunà che suna clavazin, ghitarra, batteria e saxofon. Ed in bel di ha el decis da far in disc. Nagin problem per in actur renumà. Laurie ha però er persvas en il studio e ses disc da debut ha survegnì ordvart bunas criticas.

Autur/a: Jachen Prevost