Jeff Bridges: «What a Little Bit of Love Can Do»

ch'è er in fotograf da vaglia
Legenda da maletgs: Keystone

Jeff Bridges, annada 1949 è in dals gronds acturs americans. Sia rolla da parada è quella dal «Dude» en il film «The Big Lebowski» dal frars Coen ubain dal cumbattant solitari en «Hell or High Water» e «True Grit».

Bridges è pero er chantautur e sia musica plascha a blers. Sin ses disc da debut dal 2011, producì da T-Bone Burnett, è da chattar la chanzun «What a Little Bit of Love Can Do» ch'è er cumparida sco single - e per blers critichers è quai er il meglier toc dal disc.

Cun ses groove da folk e country è el sco fatg aposta per la vusch gruglia da Bridges ed in senta ch'el ha in grond talent dad esser cool ed autentic.

Autur/a: Jachen Prevost