Johnny Cash: «Bridge over troubled water»

in dals pli gronds musicists da tut ils temps
Legenda da maletgs: Keystone

Johnny Cash, mort il settember dal 2003 cun 71 onns, è in dals musicists ils pli impurtants da tut ils temps. «American IV: The Man Comes Around» producì da Rick Rubin è l'87avel ed ultim disc ch'el ha registrà il 2002. El è mort in onn pli tard e quest disc è ses cumià, in disc che commova. El cuntegn per gronda part reprisas, er «Bridge over troubled water», la chanzun renumada da Simon & Garfunkel ch'el ha tschernì pervi dal text cun tratgs spirituals che fa speranza e dat consolaziun: «Er sch'ils temps èn difficils, jau stun sper tai – e sche ti na chattas nagins amis, jau sun la punt sur auas perturbadas.» Cash chanta la chanzun ensembel cun Fiona Apple: Ella cun vusch fina, el – gia segnà da la malatia – cun vusch fragila, però cun in'expressiun che va sut la pel.

Autur/a: Jachen Prevost