Johnny Clegg and Savuka: «Scatterlings of Africa»

musicist da l'Africa dal Sid
Legenda da maletgs: Keystone

L'Africa dal Sid è sta fin la fin dals onns 80 il pajais da l'apartheid, la separaziun da las razzas. In ch'è s'engaschà per ils dretgs dal nairs è stà Johnny Clegg, oriundamain in brittanic ed ina figura impurtanta da la musica da l'Africa dal Sid. El ha fundà las bands Juluka e Savuka, bands cun musicists nairs ed alvs che fusiunavan la musica tradiziunala dals Zulus cun musica da pop e rock. Ed er ils texts engaschats e politics eran en la lingua indigena e per englais. L'emprim success han el gì il 1987 cun lur emprim disc «Third World Child» e cun la chanzun «Scatterlings of Africa». Quella tematisescha il fatg ch'ils emprims umans eran da chasa sin quel continent e ch'els èn lura sa derasads sin tut il mund. En quel senn èn tut ils umans fugitivs e descendents da quels ch'han banduna lur patria. Il disc e la chanzun ha chatta attenziun en l'Europa e la musica da l'Africa dal Sid cun sias vuschs e ses ritems extraordinaris èn rivads fin tar nus.

Autur/a: Jachen Prevost