Kenny Rogers: «The Gambler»

il chantadur da country american
Legenda da maletgs: Reuters

«Lucille» e «Coward Of The County» èn stads dus gronds hits da Kenny Rogers – ed er cun ses duets «We've Got Tonight» cun Sheena Easton ed «Islands In The Stream» cun Dolly Parton ha el conquistà las paradas. In da ses pli gronds semperverds è la chanzun «The Gambler», ina cumposiziun da Don Schlitz. Quel aveva empruvà da vender ses toc a Nashville, pero l'interess è stà modest e las emprimas versiuns senza success.

Cura che Kenny Rogers chanta la chanzun il 1978 daventa ella in grond hit. I va per in inscunter en in tren. In vegl giugader da cartas raquinta da sia vita, da sias sconfittas e perditas e dals muments cur ch'ins sto cumbatter ubain scappar. E ses giavisch saja da pudair murir in bel di en la sien, quai che capita lura er durant la notg en quest tren.

Autur/a: Jachen Prevost