Las Ketchup: «The Ketchup Song»

da la band Las Ketchup
Legenda da maletgs: Keystone

La stad 2002 na vul betg vegnir. I dat trid'aura e las temperaturas restan bassas. Er en la scena da musica capita pauc. Il hit da stad n'è betg en vista. Pero i dat sustegn da la Spagna, da las trais sors Pilar, Lola e Lucia Munoz da Cordoba ill'Andalusia che salvan la stagiun. Lur band ha il num curius «Las Ketchup», pervi da lur bap ch'è il ghitarrist da flamenco enconuschent «El Tomate» - e lur chanzun è «The ketchup song», in toc che fa buna luna e che daventa spert in semperverd da stad che vegn schizunt accumpogna d'in agen saut.

Autur/a: Jachen Prevost