Marvin Gaye: «I heard it trough the grapewine»

ila gronda vusch dal soul
Legenda da maletgs: Keystone

La chanzun «I heard it trough the grapevine» ha in'storgia interessanta. Da quella chanzun hai dà 3 versiuns il medem mument, e dus da quellas èn daventas gronds hits.

Norman Whitfield e Barrett Strong eran il 1966 dus auturs impurtants en ils Stadis Unids e surtut per la chasa discografica da Motown. Els han cumponì numerus hits da soul ed r'n'b. Ina da lur capodovras è «I heard it trough the grapevine», jau hai udì la fama, in toc davart ina relaziun che na funcziuna betg pli uschè bain. L'emprima registraziun han fatg il 1966 Smokey Robinson e ses Miracles, però lur versiun è restada 32 onns en ils archivs.

La segunda versiun è quella da Gladys Knight & The Pips. Quella è vegnida publitgada il 1967 ed è daventada in hit. La terza versiun è quella dal chantadur Marvin Gaye. Questa è vegnida registrada in pau avant quella da Gladys Knight, però er ella è l'emprim restada en ils archivs ed è cumparida pir il 1968. Perquai che la versiun da Marvin Gaye è anc pli interessanta e captivanta ès ella daventada la pli famusa.

Autur/a: Jachen Prevost