Muddy Waters: «Hoochie Coochie Man»

il grond musicist da blues
Legenda da maletgs: Keystone

McKinley Morganfield è naschì enturn il 1913 a Clarksdale/Mississippi e mort il 1983 a Westmont sper Chicago – ed el è stà in dals musicists da blues ils pli impurtants, enconuschent sco Muddy Waters. Ses gronds semperverds èn tocs sco «Mannish Boy», «Got My Mojo Working» e surtut «Hoochie Coochie Man».

La cumposiziun è da Willie Dixon, e Waters ha registrà il 1954 l'emprima versiun en ils studios da Chess Records a Chicago, accumpagnà da Little Walter, Otis Spann, Jimmy Rogers e Willie Dixon al bass. Els han fatg ina chanzun cun gronda expressiun, cun in ritmus fitg regular e cun interrupziuns marcantas. Ina chanzun cun ina forza gruglia e cun in text misterius cun elements da superstiziun e magia naira che raquinta d'alcohol bunmartgà e sex.

Autur/a: Jachen Prevost