Nathaniel Rateliff & the night Sweats: «S.O.B.»

Nathaniel Rateliff durant in concert
Legenda da maletgs: Nathaniel Rateliff Keystone

In tema serius, pachetà en ina chanzun cun schlantsch e sbragì viador cun pleds maltschecs. Quai fa la gruppa «Nathaniel Rateliff & The Night Sweats» en la chanzun «S.O.B.» che tematisescha l'alcoholissem. Ina chanzun che descriva tut las consequenzas dal consum d'alcohol excessiv. Formulà, per l'ina ord vista d'in pertutgà, e per l'autra ord atgnas experientschas dal chantadur. Emprendì ha Nathaniel Rateliff tuttina nagut ord sias experientschas, pertge suenter sis mais abstinenza ha el puspè cumenzà da baiver.

Autur/a: Dominic Pohle