Nitty Gritty Dirt Band: «Will the circle be unbroken»

han survegni in premi
Legenda da maletgs: Reuters

Avant 50 onns vegn fundada a Long Beach ina band che daventa ina da las pli enconuschentas ed impurtantas da la musica da country, folk e rock e che collia er las generaziuns. Ina furmaziun cun in num zunt curius, la «Nitty Gritty Dirt Band».

Gia cun lur emprims discs da la fin dals onns 60 han' els fascina il public american. Lur musica da rock cun bler country e folk ha er chatta in grond public tar tut las generaziuns, ina maschaida ideala per quels onns dal flower power, er perquai chels avevan l'aspet da hippies. In da lur gronds semperverds è «Will the circle be unbroken» dal 1972, in vegl toc popular cun cuntegn religius che Alvin Pleasant Carter e sia Carter Family han fatg il 1935. La «Nitty Gritty Dirt Band» ha tschernì quel toc ed ha realisa ina versiun cun blers musicists pli vegls sco Roy Acuff, Maybelle Carter, Doc Watson, Earl Scruggs, Merle Travis e Pete Kirby. Ina bun'idea dals musicists giuvens d'integrar da quels pli vegls ed enconuschents, e quai è sta lur emprim pass vers ina gronda e lunga carriera en ils Stadis Units. La «Nitty Gritty Dirt Band» datti anc adina ed fan er quest onn blers concerts.

Autur/a: Jachen Prevost