Pet Shop Boys: «West End Girls»

cun Neil Tennant e Chris Lowe
Legenda da maletgs: Keystone

Dus giuvens, il student d'architectura Neil Tennant ed il schurnalist da musica, Chris Lowe, s'inscuntran per cas il 1981 e discuttan d'instruments e da sintetisaders. Els han er ina deblezza per musica d'electropop e dance, e cumenzan a far lur atgnas chanzuns. Ina da quellas, «West End Girls», daventa il 1984 in hit secret en clubs e bars e bainspert valan ils Pet Shop Boys sco duo cun grond avegnir.

Las vias en l'affar da musica èn pero lungas e stantusas ed er vias cun bleras stortas, e forsa vegn ina chanzun mintgatant simplamain memia baud. Pir in onn pli tard e cun ina versiun nova remixada capita a la fin insatge, pero lura gist endretg. Il sound dals Pet Shop Boys ha tuc il gust da las massas. Sur notg rivan els sin las emprimas plazzas da las paradas in Engalterra ed en ils Stadis Unids, e lur carriera ha survegnì la dinamica d'ina racheta. 100 milliuns discs vendids pli tard fan Tennant e Lowe anc adina concerts e discs. Lur ultim «Super» è da l'avrigl da l'onn passa.

Autur/a: Jachen Prevost