Reinhard Mey: «Über den Wolken»

in dals gronds artists da la Germania
Legenda da maletgs: Keystone

In dals pli impurtants chantauturs tudestgs festivescha oz ses 75avel anniversari. Nus gratulain a Reinhard Mey e laschain reviver in da ses grondius semperverds: «Über den Wolken».


Gia il 1971 ha Reinhard Mey gì ses emprim success. Blers onns ha el però stuì cumbatter per survegnir renconuschientscha. Cun perseveranza ha el cumponì chanzuns ed ha fatg concerts en lieus pitschens e gronds. Cun ils onns è vegnì il success. Ses texts èn poetics e divertents e cuntegnan savens observaziuns e ponderaziuns or da la vita dal mintgadi cun sias pitschnas chaussas.

Sia chanzun la pli enconuschenta è «Über den Wolken», ina dal 1974 che cumpara sin il disc «Wie vor Jahr und Tag». En quella raquinta el da sias impressiuns, cura ch'el vesa in eroplan che parta e disparescha en il tschiel. El auda las ramurs dals motors che daventan adina pli deblas. El resenta speranza e sa dumonda, co ch'i pudess esser si en il tschiel.

Pli tard ha el lura fatg la patenta da pilot ed ha pudì vesair, co ch'i è sur ils nivels. Sia chanzun è il 2005 sa platgada sin il quart plaz tar la tscherna dals hits dal tschientaner en il ZDF.

Autur/a: Jachen Prevost