Rick Springfield: «Jessie’s Girl»

Rick Springfield durant in concert
Legenda da maletgs: Rick Springfield durant in concert Keystone

Per ses 13avel anniversari ha Rick Springfield survegnì sia emprima ghitarra. Dapi lura è el stà fascinà da la musica. Gia baud ha el perquai era sunà en differentas furmaziuns ed fatg musica – era sco solist. A l'entschatta cun plitost pauc success. Perquai ha l'American cun ragischs australianas cumenzà sco actur en la seria General Hospital. Grazia a quella rolla è el daventà enconuschent ed era sia musica ha survegnì in stausch. Uschia è «Jessie's Girl» daventà in grond hit dals onns 80.

Autur/a: Dominic Pohle