Stan Getz & Joao Gilberto & Astrud Gilberto: «The girl from Ipanema»

il saxofonist american
Legenda da maletgs: Keystone

Antônio Carlos Brasileiro de Almeida Jobim, naschì ils 25 da schaner dal 1927 a Rio de Janeiro è mort ils 8 da december 1994 a New York, el è quai cumponist brasilian ch'ha fatg vegnir enconuschenta la musica da ses pajais en tut il mund, surtut il Bossa Nova.

Da sia penna vegnan blers semperverds, pero il pli grond è senza dubi «The girl from Ipanema» cumparì il 1964 en la versiun dal saxofonist american Stan Getz ch'è naschi avant 90 onns e ch'e vegnì accumpugnà da Joao ed Astrud Gilberto. Registrà la chanzun han els a New York. Cun ina versiun cun text portugais ed ina per englais è quella lura rivada sin il disc «Getz/Gilberto» che cuntegniva per gronda part tocs da Jobim. La chanzun è subit stada in hit mundial, ha gudagnà in Grammy per la meglra chanzun il 1965 e cun ses tuns loms e calms è ella daventada in semperverd e standard dal jazz.

Autur/a: Jachen Prevost