Stephan Eicher: «Hemmige»

In dals gronds da la musica svizra
Legenda da maletgs: Keystone

Mani Matter (1936-1972) è stà in chantautur e trubadur bernais che ha fascinà blers cun sias chanzuns curtas e simplas. E quellas han er inspirà blers auters. Ina da las pli bellas reprisas è ina da Stephan Eicher.

Sin ses disc «Engelberg» dal 1991 è «Hemmige», in dals gronds semperverds da Mani Matter, la chanzun davart ils umans che na ristgan betg da sa preschentar sin in palc e da chantar. Ed i dat anc bler auter nua ch'els èn limitads pervi da lur retegnientschas. Er tar Stephan Eicher è quai in chanzun divertenta, e cun accumpagnament da l'accordeon e la ghitarra plain swing daventa ella anc pli attractiva ed er pli sperta.

Ella è d'udir fitg savens en ils radios ed arriva sin la 15avla plazza da la parada da hits svizra. E tge surpraisa: er en Frantscha è quai in hit.

Autur/a: Jachen Prevost