Stevie Wonder: «Sir Duke»

Il grond musicist american
Legenda da maletgs: Keystone

Stevland Hardaway Judkins, alias Stevie Wonder, el è in dals musicists ils pli impurtants. Gia cun 11 onns ha el ses emprim contract d'artist tar la chasa discografica da Motown. Stevie Wonder, tschorv dapi sia naschientscha, fa a partir dals onns 60 ina gronda carriera, plaina da success e semperverds. Ina da sias chanzuns impurtantas cumpara il 1977: «Sir Duke», in omagi ad in da ses gronds idols, il pianist e cumponist da jazz, Duke Ellington, mort il 1974. Pero el menziuna er Count Basie, Glenn Miller, Louis Armstrong ed Ella Fitzgerald, persunalitads che han influenzà fermamain la musica. El disch: «Jau vuleva appreziar questas persunas, ellas ans han dà insatge che resta per adina». Ozendi è il num da Stevie Wonder er in da quels che fan part a quella retscha.

Autur/a: Jachen Prevost