Sting: «Fields of gold»

l'anteriur chantadur da la band «The Police»
Legenda da maletgs: Keystone

Gordon Sumner, alias Sting, ha bandunà il 1985 sia band ed ha fatg si'atgna musica. Il 1993 ha el cumponi «Fields of gold», ina bella chanzun che descriva la vista da sia chasa a Wilshire en Engalterra. Da sia fanestra vesa el champs dad ierdi e quels survegnan a la fin da la stad ina culur d'aur.

In grond hit n'è quai betg stà, però ina da las chanzuns enconuschentas da Sting, er pervi dals elements da musica tradiziunala ch'el ha integrà.

Brendan Power suna l'orgelet da bucca e Kathryn Tickell ina spezia da cornamusa che vegn duvrada en il nordost dal pajais e quels tuns dan a la chanzun sia tempra tut atgna. Pli tard han lura blers auters fatg lur versiuns da «Fields of gold», uschia er Barry Gibb e Cliff Richard u Eva Cassidy.

Autur/a: Jachen Prevost