Supertramp: «The logical song»

ina da las impurtantas dals onns 70 ed 80
Legenda da maletgs: Keystone

Durant ils onns 70 ed 80 venda la band brittanica «Supertramp» 60 milliuns discs e ses sound unic enritgescha il mund da pop e rock. Ils semperverds da «Supertramp» vegnan tuts da Rick Davies e Roger Hodgson. Els han pero differents avis: Davies favurisescha tuns en direcziun dal jazz, Hodgson plitost quels da pop.

Lur pli grond hit è in toc che Hodgson aveva cumponì per gronda part durant ils soundchecks da la band, e pir suenter in mez onn ha el cumplettà la chanzun. Quella raquinta da sias experientschas cura ch'el ha stui ir davent per ir a scola ed è daventà creschì, ed el sa damonda tge ch'è propi impurtant en la vita. Il «Logical song» è lur pli grond hit – pero er l'emprim pass vers in cumià. 3 onns pli tard, suenter il 7avel disc cun il titel programmatic «..Famous Last Words..» banduna Hodgson la band e va atgnas vias.

Autur/a: Jachen Prevost