The Dead South: «In Hell I'll Be In Good Company»

la band dal Canada
Legenda da maletgs: MAD

La musica da Bluegrass vegn oriundamain da Kentucky e Tennessee en ils Stadis Unids, in gener da musica fitg popular cun banjo, violina, ghitarra e mandolina sco instruments principals. Ils ultims onns datti ina scena nova cun musicists giuvens che cultiva quella musica en furma fitg originala. Ina da las bands interessantas èn ils canadais «The Dead South» da Regina, Saskatchewan. Els fan musica dapi il 2012, e già dus onns pli tard preschentan els in toc che far vegnir enconuschent a Nate Hilts, Scott Pringle, Danny Kenyon e Colton Crawford. «In Hell I'll Be In Good Company» è ina chanzun originala ed in pau a la veglia che tschiffa be subit. E lura han els fatg in video divertent ch'è vegnì guardà sur 12 milliuns giadas en la rait. Là èn da vesair ils quatter cumpogns barbus cun chautschas nairas, givlars, chamischas albas e chapels, ina montura sco or d'in auter temp. Grazia a quel video han els survegnì blera attenziun, er in Europa – ed han pudì far qua blers concerts. Ils 5 e 6 d'avrigl vegnan els er en Svizra, a Winterthur ed a Losanna per preschentar sin il palc Bluegrass en lur versiun nova.

Autur/a: Jachen Prevost