The Doors: «Alabama Song»

La band da rock da Los Angeles
Legenda da maletgs: Keystone

Avant 75 onns, ils 8 da december dal 1943, è naschì Jim Morrison. El è daventà enconuschent sco chantadur carismatic da la gruppa da rock «The Doors», è pero mort già cun 27 onns.

Il 1966 han «The Doors» registrà a Los Angeles lur emprim disc. Sin quel è ina chanzun che ha in'istorgia interessanta. La cumposiziun da Kurt Weill è dal 1925, cun text da Bertold Brecht – e quella era part d'ina da lur operas. Bainspert hai dà er ina versiun cun text englais, però pir blers onns pli tard è quella daventada in semperverd da la musica da rock en la versiun dals «Doors». Els l'avevan registrà en in studio cun equipament simpel, per gronda part cun in magnetofon a quatter vials che procura per in'atmosfera in pau morbida. Quella correspunda er al cuntegn da la chanzun da Weill e Brecht che raquinta da immoralitad e vizis.

Autur/a: Jachen Prevost