The Pogues: «Dirty old town»

la band da folk-punk da Londra
Legenda da maletgs: MAD

Il 1949 ha il chantadur da folk Ewan McColl cumponì ina chanzunetta per surmuntar las pausas durant ses concerts. El vegniva da Salford sper Manchester ed a quella citad ha el deditgà «Dirty old town». Bainspert è quella daventada populara e bleras bands han fatg lur versiuns – er ils Pogues da Londra che faschevan folk-punk. La chanzun da McColl n'è betg lur pli grond hit, però ina da lur chanzuns impurtantas. Tar els è «Dirty old town» in toc cun violina, banjo, mandolina ed accordeon e Shane McGowan, lur chantadur carismatic raquinta:


I met my love by the gas works wall
Dreamed a dream by the old canal
I kissed my girl by the factory wall

La chanzun ha però ina fin trista, pertgè lura hai num: in bel di vegn la sigir a destruir la citad da mias algordanzas ed ella vegn a crodar sco ina planta veglia e morta.

Autur/a: Jachen Prevost