The Rolling Stones: «(I Can’t Get No) Satisfaction»

Per la 100avla contribuziun da «Ina chanzun, in'istorgia» avain nus raquintà da «Like a Rolling Stone» da Bob Dylan, la chanzun nr. 1 sin la glista renumnada dal magasin american «Rolling Stone». Oz, per la 499avel e penultima avain nus tschernì il toc sin la segunda plazza: in dals Rolling Stones.

l'onn 1963
Legenda da maletgs: MAD

Il 1965 eran els sin tournea tras ils Stadis Unids, e sunavan surtut reprisas da tocs da blues e rock'n'roll, tocs da Chuck Berrry, Bo Diddley e Buddy Holly. Ad els mancavan chanzuns en in stil dal tuttafatg nov, perquai han els cumenzà a cumponer agens tocs. In da quels è «(I Cant Get No) Satisfaction», l'emprim toc da rock en l'istorgia da la musica. L'idea fundamentala è dal ghitarrist Keith Richards. Ils emprims tuns haja el sentì cun durmir e spert ha el registrà quels cun in apparat da cassetta. Suenter ha el cumponì a fin il toc ensemen cun Mick Jagger e pauc pli tard han els registrà a Los Angeles, ina da las capoovras da la musica da rock, cun ses intro legendar che resta per adina en l'ureglia. Per ils «Stones» è quai stà lur emprim hit nr. 1 en ils Stadis Unids e lura quart en Gronda Britannia, in toc che ha inizià in'era cun tuns novs ed in cuntegn rebellic.

Autur/a: Jachen Prevost