Toto: «Africa»

la band da la California
Legenda da maletgs: Keystone

I dat chanzuns che restan en l'ureglia, er suenter blers onns. Ina da quellas vegn da la band da rock da la California «Toto». Ella è atgnamain enconuschenta pervi da tocs sco «Hold the line» e «Rosanna». Lur pli grond hit han els gì il 1982 cun in toc da pop. David Paich e Jeff Porcaro, il chantadur e keyboardist ed il batterist, èn ils cumponists ed els han stgaffì in toc che viva surtut da quests dus instruments.

La batteria è inspirada da tamburs africans ed ils tuns dal keyboard regordan a melodias da pajais exotics. En il studio han els lavurà bler vi da detagls e vi dal text fin che la chanzun pareva perfecta. Ella è stada il 1982 in grond hit en blers pajais, è daventada in semperverd – ed è anc adina en tut las ureglias. «Africa», in toc dad ethno-pop, in classicher etern, in toc senza termin da scadenza.

Autur/a: Jachen Prevost