Vangelis: «Conquest of paradise»

chantadur e cumponist grec
Legenda da maletgs: MAD

Il 1992 vegnan festagiads ils 500 onns da la scuverta da l'America. I dat er in film davart quest eveniment: «1492 – Conquest of Paradise», da Ridley Scott cun Gérard Depardieu en la rolla da Columbus, ha sveglià grondas aspectativas. La producziun custa var 50 milliuns dollars, fa però navrutta en ils kinos.

Il soundtrack dal cumponist e musicist grec Evángelos Odysséas Papathanassíou, alias Vangelis, ha dapli success e surtut la chanzun principala daventa in grond hit e nr. 1 en blers pajais. Ella fascinescha pervi da sia tempra imnica e festiva e rinforza la tematica da superar cunfins ed ir en il lontan.

Cler che blers han lura duvrà pli tard quella melodia. Politichers e sportists per campagnas e cumbats e barchas da cruschada cur ch'ellas bandunan il port. Per ils pievels indigens en America ha quella scuverta tut autras conseguenzas. Per blers è quai stà il principi da l'extirpaziun.

Autur/a: Jachen Prevost