Velile & Safri Duo: «Helele»

els chantan la chanzun «Helele»
Legenda da maletgs: MAD

Il 2010 è il campiunadi mundial da ballape per l'emprima giada en l'Africa – e cler che la musica ch'ha accumpagnà quest eveniment è stada plain tuns exotic.

Ina da las pli interessantas è «Helele», oriundamain ina cumposiziun dals onns 70 dal Franzos Daniel Vangarde e dal Beltg Jean Kluger cun il titel «Aieaoa», ch'ha gia quella giada grond success. La chantadura Velile survegn il permiss dals auturs e fa ina versiun nova, cun in text en la lingua da zulu sidafricana. Ed ella chatta anc sustegn prominent da la band danaisa «Safri Duo» cun lur percussiun fenomenala. I vegn anc meglier: La televisiun Svizra ed er RTL dovran la chanzun per accumpagnar lur rapports, e quai ha in effect positiv. Ella riva sin plazza 1 en Svizra e sin plazza 2 en Germania.

Autur/a: Jachen Prevost